ການພົວພັນລາວ-ຫວຽດ

ບບບບ ໂພສໂດຍ: ບບບບ
22/05/2012 11:26 PM
ເຂົ້າມາອ່ານ: 5540

 

Picture@Bailane.com

Picture@Bailane.com

Picture@Bailane.com
http://www.kplnet.net/lao/l-n.htm ໜ້າ­ທີ 1, 2 ແລະ­ 5


ສະ­ບາຍ­ດີ­ທຸກ­ທ່ານ,

ກ່ອນ­ອື່ນ­ຂ້າພະ­ເຈົ້າເອງ­ຂໍ­ໂທດ­ນໍາ­ບັນດາ­ທ່ານ, ຂ້າພະ­ເຈົ້າ­ບໍ່­ໄດ້­ຕໍ່­ຕ້ານ ຫຼື ບໍ່ເຫັນ­ດີນໍາການ­ພົວ­ພັນ­ລະ­ຫວ່າງ­ລາວ­ກັບ­ຫວຽດ ຂ້າພະ­ເຈົ້າ­ຮູ້ບຸນ­ຄຸນ­ຕໍ່­ປະ­ເທດ­ຫວຽດນາມ­ທີ່­ຊ່ວຍ­ຕີ­ສັດ­ຕູເຂົ້າມາ­ຮຸກ­ຮານ­ລາວ­ໃນ­ສະ­­ໄໝ­ກ່ອນ. ແຕ່ມາເຖິງ­ປັດ­ຈຸບັນ­ນີ້ເຫັນ­ວ່າເພີ່ນ (ລັດ­ຖະ­ບານ) ພົວ­ພັນ­ກັບ­ປະ­ເທດ­ຫວຽດນາມ­ຢ່າງເອົາ­ແທ້ເອົາ­ວ່າ­ຈົນ­ລືມ­ຫູ (­ໄດ້ງິນ­ສຽງ­ຈົ່ມ) ລືມ­ຕາ (ບໍ່ເຫັນ­ຫຍັງເກີດ­ຂື້ນ) ຈົນ­ພວກ­ຄົນ­ລາວ­ທີ່­ຕັດ­ສັນ­ຊາດເປັນ­ຄົນ­ປະ­ເທດ­ອື່ນ­ດ່າ­ລັດ­ຖະ­ບານ­ລາວ­ຢູ່­ທຸກ­ມື້­ທຸກ­ວັນ­ວ່າ­ອີກ­ບໍ່ດົນ­ປະ­ເທດ­ລາວ­ຈະ­ກາຍເປັນ ປະ­ເທດ ”ສາທາລະ­ນະ­ລັດ ປະ­ຊາ­ທິ­ປະ­­ໄຕ ປະ­ຊາ­ຊົນ­ລາວ­ຫວຽດ”, ວ່າ­ລັດ­ຖະ­ບານ­ຂາຍ­ຊາດ, ປ່ອຍ­ໃຫ້­ແກວ­ຂີ­ຫົວ ສາລະ­ພັດ­ຢ່າງ. ເບິ່ງ­ໄປເບິ່ງມາ (look go, look come) ແລ້ວ­ຄືໆ­ຄວາມເຂົາ ເພາະ­ວ່າ ປັດ­ຈຸບັນ­ນີ້­ພໍ່­ຄ້າຊາວ­ຂາຍ, ຂາຍເຄື່ອງ, ຂາຍ­ຂອງ (­ໂຍ­ນີ), ຂາຍ­ອາຫານ, ຂາຍ­ສາລະ­ພັດ­ຢ່າງ ແມ່ນ­ຄົນ­ຫວຽດ­ທັງ­ນັ້ນ, ຫາເກັບ­ສິ່ງເສດເຫຼືອ ທຸກ­ມູມ­ທຸກ­ແຈ ກະ­­ແມ່ນ­ຄົນ­ຫວຽດ, ກະ­ລາ­ລົດ, ຮ້ານ­ຕັດ­ຜົມ ກະ­­ແມ່ນ­ຄົນ­ຫວຽດ. ຂ້າພະ­ເຈົ້າເຄີຍ­ໄດ້ງິນເລື້ອຍໆ­ຈາກການ­ນໍາ­ຂັ້ນ­ສູງເວົ້າ­ວ່າ ຄົນ­ລາວ­ມີ­ຄວາມ­ຮູ້­ຕ່ໍາ, ບໍ່ມີ­ຝີມື ເລີຍ­ບໍ່ມີວຽກເຮັດງານ­ທໍາ, ບໍ່ມີ­ທາງເລືອ ເລີຍ­ໄປເປັນ­ກໍາມະ­ກອນ­ຢູ່­ປະ­ເທດ­ໄທ, ຂາຍ­ຂອງ (ມູນ­ແມ່) ຢູ່­ປະ­ເທດ­ໄທ, ແລະ­ ມີ­ຄໍາເວົ້າເຫັ້ນ­ວ່າ ”ຄົນ­ລາວ­ຕາຍ­ຍ້ອນກຽດ ຫວຽດ­ຕາຍ­ຍ້ອນ­ຊູຊີ” ຄວາມ­ຈິງ­ແລ້ວ­ຖ້າຫາກເກັບເງິນ­ພາ­ສີອາກອນ­ລາຍ­ໄດ້­ຈາກ­ຄົນ­ຫວຽດນາມ ແລະ­ ຈາກ­ຄົນ­ຈີນ­ຢູ່­ໃນ­ລາວ ແລ້ວ­ຖອກເຂົ້າ­ງົບ­ປະ­ມານ­ຂອງ­ລັດ­ທັງ­ໝົດ ປະ­ເທດ­ລາວເຮົາ­ບໍ່­ຈໍາເປັນ­ຈະ­­ໄປ­ຂໍເງິນ­ຕ່າງ­ປະ­ເທດ ຫຼື ຕັດ­ໄມ້­ຂາຍດອກ!!! ແລະ­ ບໍ່ເປັນ­ປະ­ເທດ­ດ້ອຍ­ພັດ­ທະ­ນາ­ອີກ ແລະ­ ຄໍາ­ທີ່ວ່າ ”ດ້ອຍ” ໃນ­ທີ່ນີ້ ອາດ­ໝາຍ­ຄວາມ­ວ່າ ຄວາມ­ຮູ້­ໜ້ອຍ ຄວາມ­ຮູ້­ຕ່ໍາ, ບໍ່­ຈົບ­ປະ­ຖົມ­ນໍາເຂົາ ແຕ່­ສະ­ຖາປະ­ນາ­ໂຕເອງ­ຂຶ້ນ ໂດຍ­ມີ­ຄໍາ­ນໍາ­ໜ້າ ວ່າ ທ່ານ ດ­ຣ. ເຊິ່ງ­ແປ­ວ່າ dog ນັ້ນເອງ!!!

ຂ້າພະ­ເຈົ້າຢາກ­ຖາມ­ຄວາມເຫັນ­ຈາກ­ຫຼາຍໆ­ທ່ານ­ວ່າ ການ­ພົວ­ພັນ­ດັ່ງ­ກ່າວ­ຈະ­ເພີ່ມ­ຂຶ້ນ­ໄປເລື້ອຍໆ­ບໍ? ລາວ­ຈະ­ກາຍເປັນ­ຄືເຂົາ­ວ່າ­ແທ້ບໍ? ອະ­ນາ­ຄົດ­ຂອງ­ປະ­ເທດ­ລາວ­ຈະ­ເປັນ­ແນວ­ໃດ? ຊ່ວຍ­ດູມໍ­ໃຫ້­ຂ້າພະ­ເຈົ້າເບິ່ງ­ດູ.

ຮັກ­ແພງ
ເດັກ­ໂສ­ຖິ້ມ

 
ໃຫ້ຄວາມເຫັນ »